فــــــه‌ڵـــــه‌ك
2011-04-05T06:47:59+00:00
شاره‌گه‌م له‌نوو ڕا كزه و زه‌بوون
دڵسووزه‌یل یه‌ك یه‌ك ڕا كه‌ید سه‌رنگوون
باوه‌ڕم نه‌ما دى وه درانت
وه چه‌رخ وه گه‌ردوون ڕووژ وه زه‌مانت
سه‌رلیم نه‌شیون بوومه قوربانت
فه‌ڵه‌ك كه‌ى كاره یه‌وه پیم كردیت؟
خوه‌شى و هه‌وه‌سم گشتى لیم بردیت
دوژمن من و خوه‌د پیم شاده‌و كردیت
فه‌ڵه‌ك له مه‌ردم له‌نوو من دیده‌و
چه‌نى ڕه‌نج كیشام، نه‌خه‌فتم وه‌شه‌و
ناكه‌س له‌بانم په‌سا كه‌ى گه‌ره‌و
فه‌ڵه‌ك تویش من كردیه دیوارى
ڕى كه‌س نه‌یشتیده كارم ڕاس بارى
خسیده‌م له ناوڕاس هاریگ و مارى
فه‌ڵه‌ك تاوه‌سه‌ر ڕووزگار له‌یوا نیه‌و
هه‌م عه‌قڵ دیرم هه‌م ده‌س و هه‌م چه‌و
زانم شوون خوه‌م چوى بكه‌م بته‌و
ڕه‌نجه‌گه‌م نیه‌یڵم بچووگن وه‌باى
قه‌ڵاى سازم تا بنیشم له ساى
وه‌دڵ و وه‌گیان خوه‌م كه‌م وه فداى
