عاشق چه‌وه‌يلدم

تا كه‌ی نگای سوی چه‌و وه‌دوير ئه‌بڕ‌ێ؟

له‌ وه‌ختيگ هه‌ناسه‌ی خوه‌شه‌ويستی گه‌رمی ژيانه‌

له‌ داخ دويری گليه‌ له‌ زه‌مين وزه‌مان ئه‌كريه‌د

له‌ وه‌ختيگ گشت گليه‌يل له‌ سه‌ر بێ وه‌فاييه ‌

جه‌وهه‌ره‌ی وه‌فا وهه‌ناسه‌ی سه‌رد رچكياگه‌

داخ له‌و رووژه‌ ك گيان وهه‌ناسه‌ برچكيه‌د

له‌ سه‌ردی و تيه‌ريكی شه‌وگار

ته‌نيا زراقه‌ی چه‌وه‌يل بيدار تۆنه‌

بڵگ رێ  چه‌وه‌يل عاشق زمانه‌س

ئه‌رای چه‌ بيده‌نگی له‌ وه‌ختيگ

چه‌وه‌يلد قسيه‌يل فره‌يگ ئه‌رای وه‌تن ديرێ

كليل دڵد له‌ نگای چه‌وه‌يلد شارديده‌سه‌و

چه‌ بكه‌مه‌ نه‌زر ئه‌و چه‌وه‌ ك رێ وه‌دڵد بياد

ك وهه‌ر ته‌ماشايگد ئه‌مان له‌ هه‌ناسه‌ و روحم بڕی

من عاشق و شيت جوانی چه‌وه‌يل سه‌ر خوه‌شكه‌ردم

خوه‌زگه‌ دويا نگام وه‌سه‌رخوه‌شی چه‌وه‌يلد گوزه‌ران بوود

من عاشق چه‌وه‌يلدم، من عاشق چه‌وه‌يلدم!