شوون پاێ خه‌و

تیه‌نی سه‌رد په‌ڵپ ته‌وم
په‌ری گوما هاتێ خه‌وم

تیه‌ید وه‌لما تا ئاسمان
تا وه تویله‌‌ڕێ که‌شکه‌شان

له هه‌ڵقه‌ێ مانگ تاوه بکه‌ێم
ده‌و ده‌و له رێ کاوه بکه‌ێم

هه‌ر چه‌ن شه‌که‌‌ت و میه‌نگی
مه‌ڵه‌قد وشکه و تیه‌نگی

هه‌ر ‌چه‌ن له ناو هه‌ر د چه‌ود
که‌فتێه شوون پاێ خه‌ود

ئه‌ڵس ک وه‌خت خه‌و نییه
وه‌خت به‌سان چه‌و نییه

به‌و تا له جی کوروو کوروو
مه‌کر و ڕیا و نه‌‌نگ و دوروو

بچیم تا ده‌‌یشت چووڵ که‌و
تا ناو مه‌رزان رووژ و شه‌و

زه‌‌مین دی جاێ ئیمه نییه
خودای خوداێ ئیمه نییه