شامی!نه‌كه‌

داد وه‌ به‌دعه‌هدی خووبان هه‌ركه‌سی ديريت وه‌لی

گووش گه‌ردوون سته‌مگه‌ر كه‌ڕ وه‌ فه‌رياد مه‌نه‌

دڵ وه‌ فه‌رياد و فۆغان كرد خيش و بيگانه‌ مه‌لويل

بی وه‌فا! ئايا دڵ تۆ سه‌نگ سه‌خت يا ئاهه‌نه‌

سه‌نگ ئوميد وساڵت شيشه‌ی سه‌برم شكان

به‌رق شه‌مشير فراقت قاتڵ گيان و ته‌نه‌

خوه‌م عه‌جه‌ب ديرم وه‌ تاڵه‌ی شووم كه‌ج بنياد خوه‌م

ميهره‌بانی گه‌رد هه‌ر كه‌س كه‌م، وه‌گه‌ردم دوشمه‌نه‌

بی سه‌به‌ب سه‌رگه‌شته‌ مه‌جنوون چی وه‌ سه‌حرای جنوون

مه‌ر نه‌زانست ڕه‌سم خووبان بی وه‌فايی كه‌رده‌نه‌؟

تا ده‌م مردن ده‌ماده‌م، ده‌م وه‌ديدار تۆ ده‌م

تا بزانی دڵ ئه‌سير چاه تورك چون بيژه‌نه‌

گيان وه‌ چه‌نگاڵ فه‌راقی ده‌رنيه‌كه‌ی"شامی "! نه‌كه‌

داد وه‌به‌دعه‌هدی خووبان، مايه‌ی خون خوه‌رده‌نه‌