سەردەوا

سەردەوا جانتای، خسگە وە شانا 

لخت وپخت کڕدگە ، دارەیل لە بانا 

واروە  وەڵگیان ، خس  لە دەروەنێ

کەڵەون شێویاس زلف و سەروەنێ 

گڤ دار گۊج  ،  وە هۊچ رزیاگە

پاییز

کێکو لە دلەو ، جەرگێ سزیاگە

گۊڵ گۊڵ زەردە گۊج بێخاوەن رشیاس 

وا  وە فیکە  وەت  ، سەردەوا  جمیاس

اێ شەۊ زەردە هات بەرۊ هۊلەو بۊ  

روژ کوڵ و کوتا ، شەوار قۊلەو بۊ

لە زەردی باخان کەم بۊش رام هەێ دل

لە  قیرەێ  قلا  ، گوم  بۊ  دەنگ  بڵبڵ

مەیلم  جۊ  بڵ بڵ  ،  ها  لاێ  یارە وه

ئەر  یار  بتواێ  ،  گول  ها  دارە وە

 حمیدرضاغلامی