دار خنیه‌ !

یه‌ نه‌ونه‌مام ئێڵ بوی ئێرنگه‌یش سه‌ر گوڵ باخه‌

گیشتــــێ لیوه‌ێ ئه‌وی بوینه‌ و م وه‌ نه‌زر کول که‌سێ

هـــــــاوارم ئه‌و کــــــوو بوه‌م که‌س لاره‌ پیمه‌و نه‌که‌ێ

رووژێ کوشێـــــــدنه‌م وه ‌ لاره‌و له‌نجـــــــــه‌و هه‌وه‌سێ

نازار و خـــــوه‌ش دیمـــــه‌نه‌ ئــــێ ته‌نیا دار خنـــــیه‌!

په‌ری ئویشــــــن هه‌ر یه‌ســـــه‌ ده‌ ر نیه‌چم له‌ قه‌فه‌سێ

بیلا بانگ بگــــرم له‌وه‌ر چــوه‌م له‌ مه‌جنوین که‌متره‌

گیشت بویشن له‌یلی له‌یل بوی گـــلاره‌م ئه‌و وه‌رتره‌!

وه‌ختاێ ســـه‌روێن به‌سێده‌و به‌تیه‌ێگیش ده‌ێ له‌ بانێ

ئاگـــــــــر ده‌ێ له‌گیانـــ م سـه‌ڵته‌و مـاشته‌و خـــــفتانێ

ئــه‌ بژنه‌وم بێ خــــــه‌وشم بێ تاقه‌ته‌و په‌شــــــێو هاڵ

ســـــزرگه‌ داگـــرێده‌م هـــــــه‌ێ روو دژمن گـــــــیانێ!

جاروه‌ جارێ چـــوی خـــــــه‌زاڵ ده‌ێ له‌ هه‌ناز دیده‌م

هه‌بــــــه‌ێدو بـــــه‌ێدو بــــــه‌ێدن دڵم وه‌ سه‌ر گــــه‌ردانێ

یه‌خــــــــوو هـــــــووریه‌ خـــودا له‌ نه‌ســــــه‌وه‌ێ ئاسمان

نه‌بــووده‌ دووســــــم نه‌ چوود نه‌ که‌ێده‌مه‌ مــــــێوانێ

سه‌ چوی بانگ نه‌گرم له‌ وه‌ر چوه‌م له‌ مه‌جنوین که‌متره‌

هـــــه‌بويشن له‌یلی له‌یل بوی! گـــــــلاره‌م ئه‌و وه‌ر تره‌

ئێ شـــــاێ دویه‌تڵه‌یل و شـــووخه‌ لف نه‌ێرێد له‌ جوانی

ئه ‌که‌ســــــێ له‌ شیـــوه‌ێ دی چـــــــه‌وم ده‌م وه‌ مزێانی

یه‌ دار خــــــنیه‌ێ ماڵ گـــــه‌وراێ ئێـــــــڵ که‌ڵـــهوڕه‌!

هه‌رچـــــــێ کوڕه‌ وه‌ نه‌زرێ چـــــوی ئاوه‌ختی گیه‌ڵانی

بیلـــــــن بانگ بگــــرم له‌وه‌ر، چوه‌م له‌ مه‌جنوین که‌متره‌

شـــــرین و له‌یل و زین چــــــوه‌ن! گــــــلاره‌م ئه‌ووه‌ر تره‌