داخم ئه‌‌ڕای يه‌ی شه‌و تره‌ك

داخم ئه‌‌ڕاێ يه‌ێ شه‌و تره‌ك خوه‌د بۊدو به‌زم سه‌ر شه‌وێ

تا گه‌ر دواره بشكنيم له‌و بو هه‌ناسه سه‌ر خه‌وێ

تيه‌ريكه شه‌و بگرێدن ئێ مانگه شه‌‌وه‌يل بێ نزه

كووره‌و بوودن ئه‌و ماڵه‌ گ نه‌ودن له ناوێ چه‌و كه‌وێ

ھﻪی ئاهوو تاشه‌يل به‌رز ها كوو خه‌‌یاڵ سه‌وز ت

بشكێ ده‌س ئه‌و كافره كرده‌د وه نه‌خش قه‌ێ نه‌وێ

وه‌رده‌يل وشك باێر ئێ گه‌رمه‌سێره بۊنه چه‌و

به‌و‌ چيين‌ كه‌نگڵاشنگ بنووڕ له‌ی گه‌رده‌چۊچانه ده‌وێ

وه‌ختێ وه ‌ميل سورمەدان سۊەرمی شه‌وار كيشیده چه‌و

هۊرد وه پێمه‌و بوو كه‌سم يه‌ێ ده‌ف بيه باڵ چەوێ

عەلی ئولفەتی