خیاڵ پیر تەنیا

دار پەل شکیاگ، سەر له زەمینم

ریشەگەم بریا و ،دی لە سا کەفتم

لەیلم لە دەس دام ،دی لە پا کەفتم

هناسم گریاۆ ،تار بۊ چەوەێلم

کەسی نیەزانێ ، حال شەوەێلم

وەقتی تەنیا بوم ،خراو بو حالم

لەیلم حازر بو ، لە ناو خیالم

دایەم ها ناو ، زەێم ئێ ئیدە

لە ئەو بەگ زایەێ، سرمە رژیدە

کەفتم لە دام ، ئەێ وەقت گەنه

له هۊرمەو چێ، ئەو پوقەێ قەنە

هەم کفتەو هۊرم ، نان کوانیاگه

چما سنان خوەم، لەێ ناو خانیاگه

بوو نان ساجی، بوو عەتر لەیلم

بۊنه وه داخِێ ،لەناو خەوەیلم

کوانگ گرەو بۊ، ساجْ لە بانێ

کتری مل بەرزێ، جوش دا شانێ

توفێ نا وەو لاێ، کرەێ لە بانێ

خوانچەێ وە تەکەو، لە دۊ دسانێ

فکرو خیال ، دنیاێ دۊرمە

دوارە رمیاگ ، بی ساو سۊنمه

یەچۊ پیری هات ،لرز خسە گیانم

لە ناو مال خێش، کردیە وێلانم

پیری هاتەوە، پیڵ کـرد لە جەسەم

تگ داس لە تنگی،هواێ هرەسەم

وەتم هی پیری ، لە جنس سانم

وەتیا هەرچگ بۊد، من جنسد زانم

لو لو ئڵوم کرد ،دەمم بۊ وە جەێو

وینەێ چوو وشکێ، چقانەم لە زەێو

بار لە دەسم سەن، لەێ تلاتمە

هەسەمۆ چمان ، گوما هاتمە

دەورم شڵخە و، وە تەنیا نیشم

بار غەریبی ، وە کــول مکیــــشم

غەریبی خاسە ، پایانێ دێرێ

غەریب سقان ، بی ژانە دێرێ

ئاخڕێ پیری ، لە دۊر دیاره

شواره ژانەو ، ڕووژە سیارە

فکرو خیاڵم ، دنیای دۊرمه

جوانی داخ ، بهاێ خونمه

چوە بکەم ڕا ئەو،دنیای پر تامە

دوار پیڕی، لە جاێ ئەڵدامە

شیعر : رەحیم ئداری