تا کەی بگیرم ئمشەو
![تا کەی بگیرم ئمشەو](https://media.shafaq.com/media/arcella/1724510371625.jpg)
تا کەی بگیرم ئمشەو وەی دەرد نادیارە
وەێ دەرد پر لە داخە وەی دەرد چێن یارە
ئەی شەونم گوڵ سوو خوەر دادە لێدو پەر دای
ساتێ بنیشە بان وەڵنگەیل زەرد دارە
دەردم وە لادو هەر دەم دەردێ نەنە وە بانێ
دەرمان خوەدیدن ئەێ دووس ڕا کورە چی گلارە
ئامان خودا سەد ئامان ڕەحمێ بنە وە دڵ دووس
بۊنێ چوە کیشم هەر شەو هەر چەن دڵێ لە خارە
حاڵم ئەقەرە خراوە شعریش دەواێ نیەکەێدن
دەرمان ئەسرەیل چەو غەمزەێ چەو خومارە
ئەێ عشق ناتمامە بیلا بوەیمه ئاخر
بێ ت عەزیزم ئاخر ئەی عشقە چووب دارە
پژواک دەنگ دەردم کوومەێ لە ئاخ سەردم
جفت بۊمە جوور وەردم بەختم سەر مەزارە
پژواک ڕەوشەن ڕەوان