تا ئەونە نانەگە برژیەێد
تا ئەوەنە نانەگە برژیەێد
من گورانییگ نویسامە
تا ئەوەنە کونە ئاوەوگە پڕکەێد
گورانیگەم چڕیدە
.
ئەی بیگانە، وەچە گورانی نووسیەێد؟
وە نمەک!
وەچە نانەگە خوریەێد؟
وە نمەک!
وەچەکونە پڕ کریەێد؟
وە نمەک!
.
ئەی دویەتەگە، وەچە گورانیەگە چڕێد؟
وە ئاو!
وەچە نانەگە خوەێد؟
وە ئاو!
وەچە کونەگە پڕ کەێد؟
وە ئاو!
.
چەبوود ئەگەر نمەک و ئاو تێکەڵ بکریەێد؟
بوودە دەریا.
.
تا ئەوەنە ناڵ ئەسپەگەم کوتم
شەپۆڵیگ لە دەریاگە بڕیمن
تا ئەوەنە دەنگ زەنگەگە کپەو بوود
گەشتیگە رانیمن
.
ئەی بیگانە، وەچە ناڵ ئەسپ کوتیەێد؟
وە مانگ شکیاگ! ئەی دوسەگەم.
وەچە دەنگ زەنگ کپەوبوود؟
وەمانگ شکیاگ! ئەی دوسەگەم.
وەچە دوینیدەم؟
وە مانگ شیکیاک ئەی دوسەگەم!
.
ئەی دویەتەگە، وەچە شەپوڵیگ لە دەریا بڕید؟
وە شمشیرەگەد ئەی دوسەگەم!
وەچە گەشتی دروس کریەێد؟
وە شمشیرەگەد ئەی دوسەگەم!
لەچە خاستر دوینیدەم؟
لە شمشیرەگەد ئەی دوسەگەم!
.
تا ئەوەنە ئەی دەریا بڕیەێد
من و تو جیاوە بویمنە
تا وەختیگ لە هویردەو چیمە
من ئوەسا مردمە.
.
ئەی بیگانە، وەچە ئی دەریا بڕیەید
وەچەوسەختی تو!
وەچە لەهویرمەو چید؟
وەچەو سەختی خوەم!
.
ئەی دویەتەگە، وەچە لەیەک جیاوە بویمن؟
نێەزانم!
وەچە من ئەوسا مردمە؟
نێەزانم!
وەماوەی چەنیگ نانەگە برژیەێد؟
نێەزانم.
ئەفزاڵ ئەحمەد سەید/ پاکستان
