باڵ گرت و له‌‌ێ وڵاته‌ چێ ك چێ

ناز و خا‌ڵ و سێف و بایه‌‌م به‌‌و بووه‌

هه‌‌ێفه‌ ئه‌‌ر هه‌‌‌ڵویژنیدن، ده‌‌ر هه‌‌مه‌

چه‌‌و هساره‌، زڵف خاوێ چوى چه‌‌ویر

قامه‌‌تێ سه‌‌وز و شرین خورماێ به‌‌مه‌

رێ بڵه‌‌ێ هه‌‌م له‌‌ێره‌ سه‌‌ر لێ شێویه‌‌ێد

زڵف لویل هویل خاوێ پڕ خه‌‌مه‌

باڵ گرت و له‌ێ وڵاته‌ چێ ك چێ

ماڵه‌‌گه‌‌ێ سه‌‌ردم ڕمان  ئێ ماته‌‌مه‌

ئێ كویه‌یله‌ بغز كوو به‌‌سیاێ زه‌وى و

ئاه‌ سه‌‌رد ئاسمانه‌ ئێ ته‌‌مه‌

په‌‌رى 2

ت په‌‌رى خه‌‌ێویله‌‌گه‌‌ێ ماڵ خوه‌‌مى

قه‌‌د بلێن و چه‌‌و ره‌‌نگین و گوڵ ده‌‌مى

تا ك دویرى، دوینمه‌‌د، ئه‌‌ما هناێ

تیه‌‌م وه‌‌ره‌‌و پید نادیارى، چوى ته‌‌مى

به‌‌رز و شیرین، سه‌‌وز و،  مه‌‌غروور و مه‌‌سى

چه‌‌و به‌‌دد كوور و چمان خورماێ به‌‌مى

گرته‌ ‌وه‌‌ر هه‌‌ویرات هویرد  ئێ دیه‌‌كه‌

عه‌‌تر نان  ساجى ئێواره‌‌مى

نه‌‌یمه‌ دارێ ئێ قه‌‌ره‌ به‌‌ر به‌‌ێ عه‌‌زیز

لیموى، سێفى، ئه‌‌نارى، باێه‌‌مى

وه‌‌ێ چه‌‌و كاڵ و د  باڵ سه‌‌وزده‌

ها مه‌ ‌ئێ فكره‌، په‌‌رى یا ئاێه‌‌مى

هه‌‌ر فه‌‌قه‌‌ت خوه‌‌م دوینمه‌‌د راحه‌‌ت بنیش

ت په‌‌رى خه‌‌ێو‌یله‌‌گه‌‌ێ ماڵ خوه‌‌مى