ئــه‌ڕا ســوو

بــه‌و تـا بچيــمن ڕا موڵك خــوه‌مان

غه‌ريــبی شــاره‌يل پشتـمان چه‌مان

بــه‌و تـا بچيــمن لـه‌ی موڵـك غـه‌مه‌

حــه‌تتا چيــيــنيش لــه‌ ئـێـــره‌ كه‌مه‌

دڵــتــه‌نگی فــره‌و دڵخــوه‌شی نيـيـه‌

بـــه‌و تــا بــشكنيــم ئايــيـن ســيــيه‌

بـــه‌و تــا بچيـمن دی مه‌نن خه‌تاس

ڕێ ئيمه‌ له‌ ڕێ ئی قه‌ومه‌ جـوداس

جـــودا بكه‌يمن خـوه‌مان له‌ شه‌يتان

په‌يـــدا بكه‌يــمن حــه‌زره‌ت ئنـسان

دی نه‌فرووشيمن وه‌جويه‌ی ڕێزوان

وه‌لای خــوداوه‌ن نه‌ويـمن په‌شيمان

بـــه‌و تــا بچـيــمن له‌ی شار كووره‌

خوو يـانـه‌ گرتــن فــره‌ نـاجـووره‌

بچيم ڕا موڵكێگ فه‌قه‌ت خـودا بوو

تاســه‌ی دڵـه‌گـه‌م وه‌لادان ده‌رچـوو