ئاهوو بووم ئڕاد

تا بزانی راس راس دووسییم

جوور شاهین ترازوو بووم ئڕاد

ت وه تیژی قسیه‌گاند په‌ێکوله

م گوڵ شه‌وده‌ر نه! هیروو بووم ئڕاد

به‌و وه شوونم جوور به‌ڵگ بان ئاو

بیله من ڕێخ بن جوو بووم ئڕاد

ئێ زرانی ژانه هه‌ر کار خوه‌مه

به‌س ک هه‌ر شه‌و سه‌ر وه زانوو بووم ئڕاد

هه‌م خوه‌شی هه‌م سه‌رخوه‌شی هه‌م دڵخوه‌شی

دی وڵم که! جوور یاروو بووم ئڕاد

تا نه‌تووری ئه‌ر چ تاڵم جوور ژار

گیان شیرین! ئێ ڕوو ئه‌و ڕوو بووم ئڕاد

ڕووژ ئڕاێ ڕووژی بچووم و بامه‌وه

شه‌و ئڕاێ لانه‌ێگ په‌ل و پوو بووم ئڕاد

کی تويه‌نێ بووڕێدن ئێ دووسیه

عاشقم هه‌ر چه‌ن کوته‌ڵکوو بووم ئڕاد