شه‌فه‌ق نيوز/ نێچيروان بارزانى سه‌رۆك هه‌رێم كوردستان, پيشوازى له كه‌ريم ئه‌سعه‌د ئه‌حمه‌د خان ياريده‌ده‌ر و راوێژكار تايبه‌ت سكرتێر گشتى نه‌ته‌وه‌يل يه‌كگرتگ ئه‌را تاوتوێكردن له تاوانه‌يل داعش كرد.
له‌و ديداره خان رۆڵ و قوربانيه‌يل هه‌رێم كوردستان به‌رز نرخان له روێ وه‌ڕوێ بوينه‌وه‌ى ريكخرياگ تيرۆريستى داعش و شكه‌ستهاوردن وه هيزه‌يلى و مقه‌يه‌تيكردن پيكهاته‌يل و له‌خوه‌يگرتنيان وه‌بى جياوازى وه‌ل پيشكه‌شكردن كورته‌يگ له‌بان شيواز كاره‌يليان له گرده‌وكردن زانيارى وه‌گووره‌ى پێوه‌ره‌يل ناوده‌وڵه‌تى و چه‌وديريكردن دوسيه تاوانه‌يل داعش، يه‌يش بيجگه ئه‌وه‌گ بڕيگ له‌كاره‌يل مه‌يدانى ئه‌را بارزانى خسته‌ڕوێ جوور سه‌ردان قه‌ورسانه‌يل وه‌جه‌م و وازكردنيان وه هاوكارى وه‌ل هه‌ردوگ حكومه‌ت هه‌رێم كوردستان و عراق.
لاى خوه‌ييشه‌و، سه‌رۆك هه‌رێم كوردستان, پابه‌ندبوين هه‌رێم وه پشتگيرى تيم و هاوركاريكردن و هه‌ماهه‌نگى وه‌ل تيم نه‌ته‌وه‌يل يه‌كگرتگ و حكومه‌ت ناوه‌ندى نيشاندا وه‌ئامانج جيوه‌جيكردن دادگه‌رى له‌ى دوسيه‌ى گرنگه.