وەزارەت کشتوکاڵی ریکارەیل مقیەتبوین فراوان و سەختی لەنوای ئی بیماریە خەسەو کرد، کە کوشتارگەی جویلەکەر دروس کرد، و چەودیاریکردن لەبانیان سەختەو کرد.

 سائر سەبری وەڕیەوبەر بەش پەتا لە فەرمانگەی فیتێرنتی وت: ریکارەیل سەخت و فراوانیگ لە تەو خوینوەربوین جیوەجی کریەێد، وەگەرد هاتن چلەی ئیمام حسێن، کە تەمەی و ریکارەیل فراوانیگ وەگشت لایەنەیل پەیوەندیدار دریا.

لەباوەت شمارەی تویشهاتنەیل تەو خوینوەربوین لە وڵاتەگە، تا دویەکە دووشەممە، وت: تا ئیسە رەسیەسە ٥٠١ بیمار کە ٦٣ لەلیان مردیە، و وەگورەی دویاترین ئامار لە وەزارەت تەندروسی؛ پارێزگای زیقار ١٢٣ تویشهاتن دیرێد، ١٢ لەلیان مردیە، و بەغداد ٨٠ تەیشهاتن و ١٤ مردن، و ئەنبار تەنیا دوو تویشهاتن دیرێد.