سـووزەێ زقـم تـێـەێ لـە دۊر
شـەوق° زنـەی بـەێ لە هۊر
دونـیـا خـەمـیـنـەو بـێ نـۊر
چـمـانـێ سـەردەواســە
زنـەی پـڕێ لـە داخـە
هـەنـاسـەیل پـڕ لـە ئـاخـە
شـەواریـش بـێ چـراخـە
چـمـانـێ سـەردەواسە
بـاخـەیـل بـێ گـیـانو زەرەردن
وەڵـنڰـەیل کـوومــەێ لـە دەردن
ڕێەیلیش پڕ لـە بــــــەردن
چـمـانێ سـەردەواسـە
دەیـشـتـەیـل گـەردەچـۊچـانن
چـەرداخـەیلـیـش وێـرانـن
مـەلـەیـل بـێ هـاوزووانـن
چـمـانـێ سـەردەواسـە
جـوور تـەرم وشـکــە کـاوان
بـەڕۊ خـەم نـاسـە داوان
مـانـڰە شـەو چـێ لـە ئـاوان
چـمـانێ سـەردەواسـە
ئـەنـارەگـان دڵ خـۊنــن
فـەرهــاێ نـاو بــێـستـۊنـن
خـوەێـان زانــن ک° چـۊنـن
چـمـانـێ سـەردەواسـە
لــە سـۊک یـەێ دیـوارێ
شـائـێـر بـێ قـەرارێ
ئـرمـس لـە دیـدە وارێ
چـمـانـێ سـەردەواسـە.
جەلال کوهی