فلیمە نووەگەی سپاێدەرمان شمارەی پێوانەیی شکنێد

شەفەق نیوز/ فیلم نوو سپایدەرمان وەناو "Spider-Man: No Way Home" شمارەی پێوانەیی فرەترین تەماشاکەری لە دو رووژ سەرەتای نمایشەگەی شكان.    

فیلم "Spider-Man: No Way Home"،  لە 17 ئێ مانگە ئەرا یەكەمینجار نمایشكریا، تەنیا لە دو رووژ سەرەتای نمایشەگەی 121.5 ملیۆن دۆلار لە بۆكس ئۆفیس وەدەسهاوردیە، وە یەیش بۊی ووە یەكەمین فیلم  ئەو شمارە فرە تەماشاکەرە بیاشتوود لە دۊیای بڵاوبۊین ڤایرۆس كۆرۆنا.  

تەنیا لە یەكەمین رووژ نمایشەگە لە ئەمریكا، 1.1 ملیۆن بینەر تەماشای فیلمەگە كردنە لە سینەمایەیل، لە گشت جەهان بینەر فرەیگ داشت.    

وەگورەی سەرچەوەیلە، پلیتەیل ئێ فیلمە سێ ئەوەنەی فیلم "No Time to Die" فرۆش داشتیە.      .