ریکارەیلیگ لە هەولێر لەباوەت نەفت چەرمگ
شەفەق نیوز/ وەڕێەوبەرایەتی سوتەمەنی هەولێر پایتەخت هەرێم کوردستان، ئمڕوو پەنجشەممە، جیوەجیکردن گشت ریکارەیل ئەرا بەشەوکردن نەفت چەرمگ وەبان هاووڵاتییەیل راگەیان.
ئاوێ کەکە شین وەڕیەوبەر گشتی سوتەمەنی لە هەولێر ئەرا ئاژانس شەفەق نیوز وت: وەڕێەوبەرایەتیەگە گشت ریکارەیل ئەرا بەشەوکردن نەفت چەرمگ لەبان هاوڵاتییەیل تەواو کرد، وەلێ چەوەڕی حکومەت هەرێم کوردستان کەیمن ئەو بڕەیلە دابین بکەید تا دەسوەپی بکەیمن.
کاکە شین وتیش: ریژەی بەشەوکردن پشت وەو بڕە پەسێد ک لەلایەن حکومەت هەرێم کوردستان دابین کریەێد، و ئەوەسا وەیزویە گردەوبوینیگ ناوبەین وەڕیەوبەر سوتەمەنی و وەزارەت سامانەیل سرووشتی بوود، ئەرا دابینکردن نەفت چەرمگ وە کوالێتی بەرزیگ.
وتیش: ئەوەسا بڕەیلیگ فرەتر لە نەفت چەرمگ بەشەو کردیەێدە بان ئەو هاوڵاتییەیلە ک لەناوچە کویە سەردەیل نیشتنە، وەلێ هەمیش پشت وەو بڕە بەسێد ک لەلایەن حکومەت هەرێم کوردستان دابین کریەێد.
