شەفەق نیوز/ تەگبیرە ئیوارەی ئمڕوو لە شار کەرکوک، پەردەی پەیکەر هونەرمەن ناودیار کورد دکتۆر فازڵ جاف لاوریەێد.

لە خول شەشەم ڤیستواڵ ناودەوڵەتی کەرکوک، لە ساعەت ٣ی ئیوارەی ئمڕوو سێشەممە،  وە سپۆنسەر دامەزراو کەریم عەلەکە وە هاوکاری لق کەرکوک سەندیکای هونەرمەنەیل کوردستان، پەیکەریگ ئەرا دکتۆر فازڵ جاف دروست کریایە، و لە ناوەند روشنهویری کەرکوک پەردە لە پەیکەرەگە لادریەێد.

فازڵ جاف هونەرمەنیگ لە شانۆی كوردە و خاوەن بڕوانامەی دكتۆراس لە شانۆ و بڕیگ كار هونەریی لە دەیشت و ناو وڵات کردیە، و لە شمارەیگ زانكۆیل ناو و دەیشت وڵات مامووستای زانكۆ بویە، و نویسەریگ ناودیار كوردە و لە چەن رووژنامە و گۆڤاریگ وتارەیلی بڵاو کردیە.