شەفەق نیوز/ بڕیگ کەس نیەخوازن داوای وەخشین بکەن وەپای ئەوە کە و چشتیگ دانەنەی کە لەلیان کەمەو کەێد، باوجی توێژەرەیل ئەرایان دەرکەفتیە مەوقەیگ کەسیگ داوای وەخشین کەێد و دان وە هەڵەگەی دانەێد، توەنرێد جویر کەسیگ زیرەک و دووسانەتر دەربکەفێد.
وەپای باوەتیگ لە ماڵپەڕ "لوبنان ٢٤" ، شارەزا و دەروینناسەیل پشتڕاسی کردنە، کەسەیل سەرکەفتی رخیان نیەچوود لە وتن "من هەڵە بویم" هەمیش کەسەیل سەرکەفتی مەوقەیگ هەڵەکەن لە زندگی کۆمەڵایەتی یا مەوقەی کار جویر شکست نیەنووڕن وەپی ، بەڵکم زیاتر هووکارەبوون.
مەوقەیگ ئایەم هووکارەبوین جویر بەرندە بوین دانەێد ئەوە وەرەو فامستن فرەتریگ چوود، زانایەیل ئاشکەرایکردن راستەوخوەی وەرگیری کردن لە مەوقەی رەخنەگردن یەکیگە لەو هەڵەیلە کە هاتێ لە زیرەکیید کمەوبکەێد.