سەرمەد محمد جەمیل وەڕیەوبەرایەتی گەشتوگوزاری کەرکوک ئەرا ئاژانس شەفەق نیوز وت: کەرت گەشتوگوزاری لە عراق داهاتیگ فرە گرنگە ئەرا پاڵپشتیکردن ئابووری نیشتمانی، و هاتن گەشتیارەیل ئەرا عراق وەخاسی لەبان ئەو کەرتەیل تیەێدەو، و بوودە رییگ ئەرا هامشوو جویراجویر کەلتوورەیل.
وتیش: ئمڕوو یەکەمین کاروان لە فڕۆکەخانەی کەرکوک وەرەو ئازەربایجان هەڵسیا ئەرا گەشتیارەیلیگ خەڵک پارێزگاگە و لە شوینەیلیگ ترەک، کە ٨١ گەشتیار بوین، و ئی کاروانە وەگورەی رێککەفن کۆمپانیایل گەشتوگوزاری عراقی و ئازەربایجانی هات، و لەناو رێککەفنەیلیگ کۆمپانیایا کار کەن ئەرا ئەوە کە بوونە کاروانەیل هاوبەشیگ.
جەمیل وتیش: گەشتوگوزاری کەرکوک کار کەێد ئەرا رێکخستن کاروانەیلیگ لە شوینەیلیگ ترەک وەرەو کەرکوک ئەرا ئەوزەڵکردن کەرت گەشتوگوزاری چوینکە شاریگ میژووی گرنگە و فرە لە شوینەیل گەشتیاری دیرێد.