شه‌فه‌ق نيوز/ نه‌خوه‌شخانه‌ى فرياكه‌فتن له خوه‌رئاواى هه‌ولێر، ئه‌و هه‌واڵه‌يله خسته‌دروو ك له‌بان ماڵپه‌ڕه‌يل په‌يوه‌ندى كۆمه‌ڵايه‌تى بڵاو كريان و باس له‌وه كردن ك كه‌سيگ جوور پزيشك خوه‌ى ئاشنا كردگه‌و وه‌ناو نه‌خوه‌شخانه‌گه‌وه زانيارى نادروس و ناوه‌رپرسانه بڵاو ئه‌كاده‌وه‌و تومه‌تبار وڵاته‌يل يه‌كگرتگ ئه‌مريكا ئه‌كا له‌باره‌ى ده‌سداشتن له بڵابوينه‌وه‌ى ڤايرۆس كۆرۆنا له عراق و وت: وه‌و خاتريشه ئيمه له كارگێڕى نه‌خوه‌شخانه‌گه وه‌ته‌واوى ئه‌و هه‌واڵه ره‌ته‌و ئه‌كه‌يم.
له‌و باوه‌تيشه‌و ئداره‌ى نه‌خوه‌شخانه‌گه له به‌ياننامه‌يگ وت: ئه‌و بڵاوكردنه‌وه‌ى ئيچنه هه‌واڵه‌يليگ جى داخه ك كه‌سيگ وه‌ناو پزيشك زانيارى نادروس و ناوه‌رپرسانه وه‌ناو نه‌خوه‌شخانه‌گه‌وه بڵاوه‌و بكا.
باس له‌وه‌يش كرد و وت: دڵنيايى ئه‌يه‌يمنه هاووڵاتيه‌يل ك هويچ حاڵه‌تيگ تويشهاتن وه ڤايرۆس كۆرۆنا له‌ناو نه‌خوه‌شخانه‌ى فرياكه‌فتن خوه‌رئاواى هه‌ولێر تۆمار نه‌كرياگه‌و ريگه‌ى ياسايى ئه‌گريمنه وه‌ر ئه‌را دوينستنه‌وه‌ى ئه‌و كه‌س گيره‌شيونه‌و ئه‌را ئه‌و مه‌به‌سيشه په‌يوه‌ندى وه لايه‌نه‌يل په‌يوه‌نديدار كرديمنه.