سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: ئەو گردەوبوینە ک قوسنوڵ گشتی ئەمریکا لە هەرێم کوردستان ئامادەی بوی، باس دووارە رێکخستن و چاکسازی هیزەیل پیشمەرگە کرد، و هەڵسەنگاندن گامەیل جیوەجیکردن پلانەگە لە چوارچیوەی رێککەفتن ناوبەین وەزارەت پیشمەرگە و وەزارەت دەیشت ئەمریکا.
هەمیش باس ئەو ریگری و سەختیەیلە کردن لەڕوی دووارە وەیەککردن پیشمەرگە و دووارە رێکخستنی وەشیوەی نوویگ لە چوارچیوەی وەزارەت پیشمەرگە.
لەلای خوەییش، سەرۆک نێچیروان بارزانی نرخدار وەردەوامی دەسمیەتیەیل هاوپەیمانی ئەرا هیزەیل پیشمەرگە لە جویراجویر گام و چینەیل کرد، و جەخت لە گرنگی زویکردن لە گامەیل دووارە وەیەککردن پیشمەرگە و لاوردن ریگرەیل نوای ئی کارە کرد، و باس ئامادەیی ئەرا هەر دەسمیەتی و پشتگیرییگ کرد.
ژەنیڕاڵ ماکفرلین دووارە دووپات لە وەردەوامی پاڵپشتیکردن هاوپەیمانی و دەسمیەتییان ئەرا هیزەیل پیشمەرگە لە جیوراجیور چینەیل کرد، و جیوەجیکردن گامەیل دووارە رێکخستن پیشمەرگە لە چوارچیوەی وەزارەت پیشمەرگە کرد، ک هەرێم کوردستان بوودە هیزیگ نیشتمانی.