ئەوەیش لە بەیاننامەیگ هات کە پیرووزبایی لە ئێزدیەیل کرد وە بوونەی سی ویەکەمین ساڵیاد دامەزریان بنکەی لالش.

سەرۆک نێچیروان بارزانی وت: وەی بوونە جاریگ ترەک دووپات ئەرا گشت خوەشک و برا ئێزدیەیل کەم کە ئەوەسا وەردەوام بووک لە پاڵپشتیکردن ماف و داوایان تا یەک ئێزدی رفیای مەنیە، و قەت تەقەلامان ئەرا ئازادکردنیان نیەوسێد.

وتیش: لە ئاست هەرێم کوردستان و عراقیش واز لە تەقەلا نیارسخن وەوەگ وەپیمان کریەێد ئەرا پیشکەشکردن خزمەتگوزاری ئەرا ئێزدیەیل.

لە ٣ی ئاب ساڵ ٢٠١٤، ریخریاگ داعش پەلامار قەزای شنگال خوەرئاوای پاریزگای نەینەوا دا، کە بویە مدوو کوشیان و زەخمداری شمارەی گەورەیگ لە ئێزدیەیل، وەگەرد سەرگەردانییان و ویرانکردن ناوچەیلیان.

لە ١٩ی تشرین یەکەم ٢٠٢٢، نێچیروان بارزانی سەرۆک هەرێم کوردستان وت: تەقەلایل ئازادکرن رفیاگەیل ئێزدی لە چنگ ریخریاگ داعش تا ئازادکردن دویاترین رفیاگ و ئاشکراکردن چارەنویسیان نیەوسێدەو.