شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، وە تونی شەرمەزار ئەو پەلامار مووشەکیە کرد ک دۊشەو لەوەخت دیریگ، و وەشیوەی ترسنۆک وەحشییگ وەبی دەسپیچگ، خەڵک و ئاسایش و ئارامی پارێزگای هەولێر پایتەخت هەرێم کوردستان کردە ئامانج.
سەرۆک نێچیروان بارزانی لە بەیاننامیگ رەسیە ئاژانس شەفەق نیوز وت: ئەو پەلامارە هۊچ زیانیگ مرۆیی لەلی نەۊیەو.
و باس هاودڵیی وەگەرد دووسەیل لەخەڵک هەولێر هەولێر کرد، ک وەخت سەختیگ لەسای نیگەرانی و چەودێریکردن وەسەر بردن، وتیش: نواگردن سەختی و هەڕەشە و مەترسیەیلە، لە گشت لایەنەیل کوردستان و پێکاتەیلی یەکگرن و یەکڕزی و گردەوبۊن خوازێد.
سەرۆک بارزانی وتیش: ئامانجکردن هەولێر وەیشیوە و دووارەکردنی، کردەوەی نوو رخبەریگە و پێشێلکردن زاقیگە ئەرا ئاسایش و ئارامی و سەروەری عراق، و ئەنجامیگ لەلی نێکەفێدەو بیجگە ئاڵوزکردن رەوشەگە و زەرەدرەسانن وە ئیسە و ئایندەی گشت عراق.
سەرۆک هەرێم کوردستان، داوا لە حکومەت فیدراڵی عراق و کۆمەڵگای ناودەوڵەتی کرد، وەشیوەیگ راسی بووسیەنە بان ئی دەسدرۊژییە، و گشت رەنجیان بیەن تا ری ئەرا دووارە پێشێلکردن سەروەری و ئارامی وڵاتەگە و ئاسایش هاووڵاتیەیلی و ئارامییان نەوود.