شەفەق نیوز/ فەرمانگەی تەندروسی پارێزگای کەرکوک، ئمڕوو دووشەممە، زیایکردن ریکارەیل ئەرا مقیەتبوین لە بیماری ئاوڵەی مەیموون راگەیان، کە لە دەوڵەتەیل هاوسا توومار کریا، و ریکارەیل لەبان ئەوانە زیایەو کرد کە لە فڕۆکەخانەی پارێزگاگە تیەن.
ئەرجان محمد وەڕیەوبەر گشتی تەندروسی کەرکوک ئەرا ئاژانس شەفەق نیوز وت: فەرمانگەی تەندروسی کەرکوک بڕیگ لە ریکارەیل مقیەتیکردن لە ئاوڵەی مەیموون لە پارێزگاگە جیوەجی کرد، کە لە دەوڵەتیگ هاوسا تویشهاتن وەی بیماریە توومار کریاس، و تەندروسی کەرکوک دەسکردە ریکارەیل مقیەتبوین ئەرا وەشکین ئەو کەسەیلە کە لە فڕۆکەخانەی ناودەوڵەتیی تیەنە ناو کەرکوک.
محمد وتیش؛ نشانەیل بیماریەگە وە تەو دەسوەپی کەێد، و هەر کەسیک تبمەگە لەناو فڕۆکەخانەگە وەشکین ئەرای کەێد و تەو بیاشتوود خریەێدە ژیر چەو و دەرمان وەپی دریەێد.
دووپات کرد کە کەرکوک هویچ بیمارییگ ئاوڵەی مەیموون لەناوی نییە، و دڵنیای مەردم کرد کە هەر تویشهاتنیگ بوود وە ئاشکرا باسی کەیمن، و داوا لە میدیایل کرد خەوەر ناڕاس بڵاو نەکەن.