شەفەق نیوز/ دامەزراو دژە تیرۆر لە هەرێم کوردستان، ئمڕوو سێشەممە، راگەیان ئەندامیگ لە پێشمەرگە بویە قوربانی وە گولەی قەتاسیگ لە پەکەکە لە پارێزگای دهۆک.

دژە تیرۆر لە بەیاننامەیگ رەسیە ئاژانس شەفەق نیوز وت: چەکدارەیل پەکەکە وە قەناس پەلامار هێزیگ لە پێشمەرگە سەروو فەرماندەی دهۆک دان، دویای رەسینی ئەرا ناوچەی سرێ ستلافانی لە ناحیەی دەرگار سەروو قەزای زاخۆ، لە ساعەت هەفت شەوەکی.

و دیاری کرد ک پەلامار قەناسەگە بویە هووکار شەهیدبوین ئەندامیگ لە پێشمەرگە وەناو رەزوان محمد عەلی.

لەلای خوەییش، سەرچەوەیگ سەربازی خەوەردا ک پەلامارەگە لەمەوقەی رویکردن کاروانیگ لە هێزەیل پێشمەرگە و پاسەوان سنوور عراقی لەبان ری ناوبەین ئاوایەیل بهێر و ئیستەبلان لە باکوور ناحیەی دەرکار سەروە قەزای زاخۆ بوی.