شەفەق نیوز/ وەزارەت کاروبار پیشمەرگە، ئمڕوو شەممە، راگەیان هیزەیلی نواگیری پەلاماریگ وەلایەن چەکدارەیل ریخریاگ داعش لە زنجیرە کویەیل "قره چۆغ" لە قەزای مەخموور کردنە، ک ئەو قەزا لە کوردستان دابڕیاگە و ئیسە کەفتیەسە ژیر دەسەڵات پارێزگای نەینەوا.
وەزارەتەگە لە بەیاننامەیگ رەسیە ئاژانس شەفەق نیوز وت: داعش تیرۆرست لە ساعەت ١٢:٣٠ شەو ٧/٨ نیسان ٢٠٢٣، لە ئاوای علا لە کویەیل قەرەچۆخ پەلامار هیزەیل پیشمەرگە دان.
وەگورەی بەیانامەگە، سریەی دویەم فەوج یەکەم لیوای ١٩ پیادە لە کەرت وەرپرسایەتیی، نواگیری پەلامارەگە کرد، و هویچ زەخمدارییگ لە رز هیزەیل پیشمەرگە نەکەفت.
وەزارەتەگە دووپات کرد ک هیزەیل پیشمەرگە هانە ئامادە باشی هەمیشەیی ئەرا مقیەتیکردن خاک و گەل هەرێم کوردستان و مقیەتیکردن ئاشتی و ئاسایش ناوچەگە.