شەفەق نیوز/ نێچیرڤان بارزانی سەرۆک هەرێم کوردستان، ئمڕوو چوارشيممە، دووپاتکرد لە پشتگیری خوەی ئەرا حکومەت فیدڕاڵی وە سەرۆکایەتی موستەفا کازمی و ئارامی عراق، و لەخود وەختەگە جەختکرد لە جیوەجیکردن سیستم فیدڕاڵی وەو شیوەگ لە دەستور عراق هاتگە.
سەرۆکایەتی هەرێم لە بەیاننامەیگ رەسیە ئاژانس شەفەق نیوز وت: ئمڕوو، نێچیرڤان بارزانی سەرۆک هەرێم کوردستان پێشوازیکرد لە نوێنەرەیل قونسڵیە بیگانەگان، و دیاریکرد ک بارزانی باس ئەرا ئامادەبویەگان کرد لە رەوش گشتی هەرێم و پەیوەندیەگان لەناوبەین هەولێر و بەغداد و گفتوگۆەگان ئەرا چارەسەرکردن ئی گرفتەیلە.
بەیاننامەگە دیاریکرد ک بارزانی هەمیش باسکرد لە پەیوەندیەگان وەگەرد دەوڵەتەیل هاوسا و سەختیەگان لە روی کوردستان وعراق، و نواگردن ڤایرۆس کۆڕۆنا و کاریگەریەگانی، و هەمیش لە نواگردن مەترسیەگان داعش، و وەپشتسەرنان قەیرانە ئابووریە سەختەگە و چاکسازیەگە لە هەرێم کوردستان، وسۆپاس خوەی ئەرا دەوڵەتەیل یەکێتی ئۆڕوپا پێشکەشکرد ئەرا دەسمیەتییان لە چاکسازیەگە لە هەرێم و دووپاتکرد لە گرنگی وەردەوامبوین ئی پشتگیریە.
نێچیرڤان بارزانی دووپاتکرد، لە پشتگیری حکومەت موستەفا کازمی، و ئارەزو کوردستان لە چارەسەرکردن گرفتەگان وەگورەی بنەمایل دەستور عراق و وەو شیوەگ ماف و شایستەیل هەرێم دابین بکەێد، و جەختکرد لە جیوەجیکردن سیستم فیدڕاڵی وەەو جوورەگ لەدەستور هاتگە.
هەمیش بارزانی دووپاتکرد ک هەرێم کوردستان هەمیشە هاوکارە لە ئارامی عراق و ناوچەگە و هەر وەی شیوە مینێد، وئارەزو دیرێد وە گەشەکردن پەیوەندیەگانی وەگەرد دەوڵەتەیل هاوسا لەبنەمای رێزی وەرانوەری و بەرژەوەنیە هاوبەشەگان، ودیاریکرد ک پەیوەندیەگان هەرێم وەگەرد کۆمار ئیسلامی و کۆمار تورکیا خاسن وەگەرد گواستنەوەی بازرگانی گەورایگ و چالاکیەیل ئابووری فراوانیگ وەگەرد هەوردوگ وڵاتەگە.
لەلایگ تر لە کۆبونەوەگە، بارزانی رووشنایی خستەبان مەترسیەگان لە دەرکەفتن داعش، ودووپاتکرد لە وەردەوامی پشتیگیکردن ناودەوڵەتی ئەرا هەریم وعراق لە نواگردن تیرۆر وگرنگی هەماهەنگی لەناوبەین هێزەیل پێشمەرگە وسوپای عراق، وەتایبەت لە ناوچەیل ١٤٠ ..