وەپای بەیاننامەیگ لە سەرۆکایەتی هەرێم، سەرۆک نێچیروان بارزانی پرسە و سەرەخوەشی قویلیگ خوەی پیشکەش لە خانەوادەی هەردگ شەهیدەگە کرد و هاوسوزی و هاوخەمی خوەی نیشاندا.
لای خوەیانیش کەسوکار ئەو دوو شەهیدە سوپاس و پێزانین خوەیان ئەرا پەیوەنی و هاوخەمی و سەرۆک هەرێم کوردستان نیشاندان.
سەرۆک ئەرکان وەزارەت پێشمەرگە، دویەشەو دووشەممە، لە بەیاننامەیگ دەرکرد لەباوەت ئەو جەنگ چەکداریە وەگەرد ئەندامەیل سوپای عراقی کریاگە لە مەخمور، و لە هەردگ لا زەخمداری و قوربانیبوین کەفتیە.
لە بەیانامەگە وتیش" وە داخەو رویداویگ ناخوەش دویەشەو، لە ناوچەی مەخموور رویدایە بویەسە هوکار زەخمداری و شەهیدبوین لە هەردگ لا، خەموەری خوەی نیشاندان و پرسەی خانەوەدەی قوربانیەگە کرد و هیوای خاسەوبوین ئەرا زەخمدارەیل خوازی".
وتیش" دووپاتکەیمن لە هەماهەنگی کردن لە کارکردن وەگەرد حکومەت فیدراڵی ئەرا چارەسەریگ ریشگی و هەمیشەیی، ئەرا وە دیهاتن ئەمن و ئارامی لە گشت عراق، پشتگیری ئەوگ کەیمن لە بەیاننامەی سەرۆک گشتی هیزەیل چەکداری هاتیە ئەرا لێکۆڵینەوەی خێرایگ و رووشنیگ لە رویداوەگە و دیاریکردن هووکارەیل پەیاکردن چارەسەر گونجایگ ئەرا مسۆگەرکردن ئەمن و ئاسایش ناوچەگە".