شەفەق نیوز/ عەلی حەمە ساڵح وەرپرس دەسەی وەزە و سامانە سرووشتیەکان لە هەرێم کوردستان، ئمڕوو چوارشەممە، باس ئەو سووتەمەتیە ک لە هەرێم کوردستان وەکاری تیەریەێد وە فرە خراو کرد، و وەشیوەی مەترسیداریگ دروسی کریەێد بوودە هووکار بڵاوبوین بیماریە سەرەتانییەکان و بیماریەیلیگ تر مەترسییان لەوە کەمتر نییە.

حەمە ساڵح لە کۆنگرەیگ رۆژنامەوانی ئمڕوو وت: دەسەگە چەودیری بانزینەگە وئەو سووتەمەنیەکان لە گشت ناوچە وشارەیل هەرێم کوردستان کرد، و دیاری کرد ک ئەنجامەکان دەرخستن ک پێکهاتەی (گازۆییل) ک ئەرا وەکارخستن موەلدەکان و ماشینەکان وەکاری تیارن وە شیوەی مەترسیداریگ دروسی کریەێد، بوودە هووکار بیماریەیلیگ سەرەتانی وبیماریەیلیگ فرە مەترسیدارتر.

وتیش؛ دەسەگە ئاڕاستەی کتاویگ ئەرا ئەنجومەن باڵای نەفت وگاز لە هەرێم و ئەنجومەن وەزیران لەی باوەتە کرد، و هووشداری کرد ک ئەگەر رەوشەگە وەی شیوە وەڕیەو بچوود، ئەوەسا لە دوو ساڵ ئایندە بڵاوبوین بیماریەیلیگ مەترسیدار لە هەرێم وەخوەمان دوێنیمن.