شەفەق نیوز/ وەزارەت کارەبا لە هەرێم کوردستان،  ئمڕوو چوارشەممە، راگەیان دەسکردن کادرەیل ئەندازیاری و هونەری وە خاسەوکردن کارەبای ئەو ئاوایەیلە ک لەوەر بمباران تورکیا کارەبا لەلیان بڕیا. 

وەزارەتەگە لە بەیاننامەیگ ئمڕوو وت: وەڕیەوبەرایەتی کارەبای قەزای عمادیە لە دهۆک دەسکەێدە خاسەوکردن کارەبا لە ئاوای ئەوڕە، دشیش، سەرو ئەدنا، ک کارەبا لە وەر بمباران تورکی لەلیان بڕیا. 

وەزارەتەگە وتیش؛ یە نۆهەم جارە ئی ناوجە بکەفێدە وەر کارەبا بڕین لەوەر گورزەیلە، و تیمەیل کارەبا لە وەڕیەوبەرایەتیەگە وەردەوامی خزمەتەیلیان لەبان رخەیل هەڕەشەی گیانیان پێشکەش کەن.