شەفەق نیوز/ سەرچەوەیگ ئەمنی لە کەرکوک، ئمڕوو چوارشەممە، خەوەردا لە دەسگیرکردن رانندەیگ وە ماشینەگەی پولیسیگ هاتوچو لەناوڕاس پارێزگاگە تلانیە.
سەرچەوەگە ئەرا ئاژانس شەفەق نیوز وت: رانندەی ماشینیگ مارکەی مالیبۆ رەنگ سیا پولیسیگ هاتوچو نزیک مۆڵ ئۆف کەرکوک ناوڕاس پارێزگاگە تلانیە و وەرەو شوین نادیاریگ وایە.
سەرچەوەگە دیاری کرد کە پولیسەگە زەخمدار بویە و ئەرا خەسەخانەی کەرکوک بریاس، و پولیس دەسکردە لێکۆڵینەوە.
دویای ئەوە، لیوا کاوە غەریب فەرمانگەی پولیس کەرکوک دەسگیرکردن رانندەگە راگەیان و وتیش: هویچ رییگ نیە ئەرا هەر کەسیک بخوازێد ئاسایش کەرکوک بشیونێد، یا هویر بکەێد زەرەد وە خەڵک پارێزگاگە بڕەسنێد.