محەمەد سەباح یەکیگە لە پاسەوانە خوەنیشاندەرەیل، وە ئاژانس شەفەق نیوز، وت "دەیان پاسەوان کە وە خۆرایی کارکەن لە مکتەویل پەروەردەی کەرکوک ئمڕوو خوەینیشاندان کردن  ئەرا دامەزراننیان لەبان پەروەردەی کەرکوک" وەیش "شمارەیان زیاترە لە 1200 پاسەوان وەبان مەکتەوەیل سەر وە پەروەردەی کەرکوک بەشەوبوینە، وە درویژایی گشت روژەیل هەفتە لە تاوسان پاسەوانی مەکتەوەیل کەن، وەگەرد رەدبوین چەندین ساڵ، هویچ خانەنشین بوینیگ وەشیوەی فەرمی نەێریمن". 

خوەنیشاندەر ترەک وەناو عەبدوڵا حەسەن وت، "پاسەوانەیل ئەمنی لە کەرکوک داوا لە پەروەردەی کەرکوک و ئیدارەی پارێزگاگە  کەن  خانەنشینیان بکەێد وەگەرد دامەزراننیان، چوینکە ماوەی پەنج ساڵە وە خۆرایی پاسەوانی مەکتەوەیل کەن، پەروەردە بایەت دادپەروەرانەبوود وەرد پاسەوانەیل".

لە خۆەینیشاندان دویەم کە لە نوای فەرمانگەی فروشتن غاز لە فەرمانگەی بەرهەمە نەفتیەیل کریا، داوای هەڵوەشانن مەرجەیل  نوو کردن کە ئەرا فروشتن غاز لە کەرکوک دانریاس.

،

خەلیل بەیاتی یەکیگە لە خوەنیشاندەرەیل وە ئاژانس شەفەق نیوز وت "غازفروشەیل دویەکەو ئمڕوو خوەنیشاندان کردن دژ؟وە رێکارەل فەرمانگەی غاز فروشتن کە دانایەسەی وەبان چین  GPS دیاریکردن مەودا، وەگەرد پویلداین ئەلکترۆنی و دانان باج، و نرخ قنینەیگ گاز ئەرا نزیکەی 8 هەزار دینار بەرزەوبویە، لەوەختیگ ئمیە وە  5000 دینار سینیمنێ و وە  7000 دينار فروشیمنێ، فرەیگ لە مەردم کەرکوک کارت ئەلکترۆنی نەێرێد".

وتیش: " وەردەوام بوین لە خوەنیشاندان و مانگردن، قەیران غاز لە کەرکوک دروسبوود ئەرا داواکاری لاوردن  GPS و باج پویلدان ئەلکترۆنی جیوەجی نەکەن".