شه‌فه‌ق نيوز/ قايمقام مێرگه‌سور، جه‌خت له‌وه كرد رێ ناوده‌وڵه‌تى مێرگه‌سور- توركيا ئه‌دێده ده‌روازه‌يگ گرنگ ناوده‌وڵه‌تى ئه‌را جموجويل بازرگانى و گه‌شتيارى و يه‌كه‌م رێ ناوده‌وڵه‌تى له‌ناونى پاريزگاى هه‌ولێر و ده‌وڵه‌ت توركيا.
له‌ى باوه‌ته‌و، غه‌فور ئه‌حمه‌د ئه‌را هووكاره‌يل ره‌سانن ناوچه‌يى كوردى وت: كار له رێ مێرگه‌سور- توركيا وه‌رده‌وام ئه‌دێ و يه‌يش دوياى وسيان كار كرد له‌ماوه‌ى رووژه‌يل وه‌رين وه‌بوونه‌ى ته‌قينه‌وه‌يگ له‌بان ڕييه‌گه‌و يه‌يش ده‌رخست ك هێزه‌يل پێشمه‌رگه له‌ڕوێ ئه‌منيه‌و زاڵه له‌بان ناوچه‌گه‌و تيمه‌يل كاريش ده‌سكردنه‌سه كاره‌يليان.
جى باسه، ئه‌حمه‌د ئاماژه وه‌يه‌يش كرد ك سه‌ردان شوون كاره‌گه ئه‌كا وه‌ئامانج ئه‌وه‌گ له نزيكه‌و ئاگادار بدێ له ريڕه‌و كاره‌گه له‌ى پرووژه‌و يه‌يش باسكرد ك ئى ڕێ ئه‌دێده ده‌روازىيگ ناوده‌وڵه‌تى له‌ناونى هه‌رێم كوردستان و توركياو سوود فريه‌يگ ره‌سنێده هه‌ردوگلا.