شەفەق نیوز/ شەوەکی ئمڕوو دووشەممە، دەسکریا وە چالاکیەیل کۆنفراس رەنگدانەوەی جینۆساید وەبان ئەدەب و هونەر لە سلێمانی، وە ئامادەبوین وەزیر رووشنهویری و گەنجەیل لە حکومەت هەرێم کوردستان و شمارەیل لە کەسایەتی سیاسی و رووشنهویرەیل و حکومیەیل لە پایتەخت رووشنهویری.
دەلیل جەماڵ سەرپەرشتیار کۆنفرانسەگە وە ئاژانس شەفەق نیوز وت "کۆنفرانسەگە وە سەرپەرشتی وەزارەت رووشنهویری و گەنجەیل حکومەت هەرێم رێکخریاس وە ئامانج تیشک خستنە بان قوربانیەیل میلەت کورد لە گشت ناوچەیل کوردستان و وەگەرد رەدبوین سەدە و یادکردن ئەو قوربانیەیلە ل ری ئەدەب و هونەر تا لە هویرمان جەهان بمینێدەو".
وتیش "کۆنفرانسەگە ئەرا ماوەی دوو رووژ وەردەوام بوود وە بەشداریکردن شمارەیگ لە پەیجویرەیل لە مژار ئەدەب وە بەشداریکردن ئەدیب و هونەرمەنەیل وە کارەیل ئەدەبی و هونەریان بەرجەستەی گەپیگ کەن لەو جینۆسایدە وەرانوەر وە میلەت کورد کریا".
وتیش "گشت ئەو لێکۆڵنەوەیلە لە کۆنفرانسەگە پێشکەشکریەێد لە کتاویگ تایوەت چاپ کریەد هەمیش راسپاردە و بڕیارەیل تايبەت وە کۆنفرانسەگە و پێشکەش وە لایەنەیل وەرپرس کریەێد".