شه‌فه‌ق نيوز/ رووژنامه‌ى تايمز باوه‌تيگ ئه‌نتونى لوێد له حه‌سه‌كه له سوريا وه ناونيشان " به‌ڵگه‌يل وه‌كارهاوردن فسفۆر دژ ئه‌ردۆغان زياێ ئه‌كا" بڵاو كرد.
نويسه‌ره‌گه ئويشێد ئه‌و ژانه ك عه‌لى وه‌پيه‌و ناڵنێد له ئه‌نجام ده‌س زه‌خمدارى نيه ك به‌ش كه‌ميگ له‌لى مه‌ندگه و به‌سياسه مليه‌و، مۆرفين ئه‌و ژانه ته‌خدير كردگه له لاشه‌ى، وه‌لێ ئه‌وه‌گ وه‌پيه‌و ناڵنێد ئه‌و سزيان رخه‌وبه‌ره‌سه له پشت و زگى ك هيشته‌سه‌ى هويچ جموجويليگ نه‌كا.
عه‌لى ئه‌را نويسه‌ره‌گه له‌وه‌خت نيشانداين زه‌خمه‌يلى وت: ئوميد كرديام بتويه‌نستام ريگرى له‌و حه‌يوانه‌يله بكه‌م ك سزاننه‌م له سزانن كه‌سه‌يل تر، له‌جياى ئه‌وه‌گ ته‌نيا ره‌سم بگرم، و نويسه‌ره‌گه ئويشێد: سزيان عه‌لى ره‌نگيگ مه‌يله‌و بوور بوێ و بوو مادده‌ى كيمياوى له‌لى هات.
لوێد وت: عه‌لى ك ته‌مه‌نى 21 ساڵه‌و جه‌نگاوه‌ريگ كورده له هيزه‌يل سورياى ديموكرات ك دژ داعش جه‌نگ ئه‌كه‌ن، وه‌لێ له 10ى ئوكتۆبه‌ر/ ته‌شرين يه‌كه‌م هاوپه‌يمانه‌يلى له هاوپه‌يمان دژ داعش ده‌سكردنه خوه‌يكيشانه‌وه له باكوور سوريا وه بڕياريگ له دۆناڵد تره‌مپ سه‌رۆك ئه‌مريكا ك له‌ناونى شه‌و و رووژيگ له په‌لاماره‌يل توركيا له سه‌رى كانى عه‌لى تويش سزيان هات، ك له‌تى توركيا مادده‌ى فسفۆر چه‌رمگ وه‌كار هاورد دژ كورد له سوريا.
جى باسه، وه‌كارهاوردن مادده‌ى فسفۆر چه‌رمگ قه‌يه‌غه كرياگه وه‌گووره‌ى په‌يماننامه‌ى جنێف ك ته‌نيا رێ وه‌پى درياگه ئه‌را بۆمب ده‌سى و زه‌خيره وه‌كار باريه‌ێد.