شەفەق نيوز/ ریخریاگ  (NED) ک تایبەتە وە کار پەرلەمان هەرێم کوردستان، لە راپۆرت نیمە ساڵیی لە خول وەهاری پەرلەمان هەرێم کوردستان، ئمڕوو شەممە، راگەیان؛ چوار پەرلەمانتار لە شەش مانگ گوزەشتە قسە بەکردنە، و یەک پەرلەمانتار لە یەکێتی ئیسلامی کوردستانی لەی ماوە فرەتر قسە کردیە.

ئەوەیش وەگورەی راپۆرتیگ لەلایەن ریخریایەگە لە هەڵسەنگاندن خولە وەهاری پەرلەمان هەرێم کوردستان لە ماوەی (3 / 1-8 / 31)، ک وەلایەن میران عەلی ئەندام ریخریاگ (NED) لە کۆنگرەیگ رووژنامەوانی لە سلێمانی و ئاژانس شەفەق نیوز ئامادەی بوی باسی کرد.

وەگورەی راپۆرتەگە، ئیسماعیل عەلی لە یەکێتی ئیسلامی کوردستانی وە ماوەی شەش مانگ لە پەرلەمان کوردستان تا ٥١ خولەک قسە کردیە.

رێبوار بابکای لە پارت دیموکراتی کوردستان لە پلەی دویەم هات وە ٤٣ خولەک قسەکردن، و بورهان قانع وە ٣٥ خولەک لە قسەکردن کەفتە پلەی سێیەم.

وەگورەی راپۆرتەگە،  ئەو پەرلەمانتارەیلە ک لە دانیشتنەیل ئی شەش مانگە قسە نەکردنە یانە بوین: لەیلا عەبدولجەبار لە پارتی، راهی رەهبەر لە یەکێتی.

راپۆرتەگە دیاری کرد ک پەرلەمان لەی خول ئیسە ٩٩ گردەوبوین ئەنجام دایە، وبایەت بوی ٢٨٠ گردەوبوین بویاتاد، و بایەت بوی پەرلەمان کوردستان لە خول وەهاری ٧٠ دانیشتن ئەنجام بیاتاد، باوجی تەنیا ٢٣ دانیشتن داشت.