شەفەق نیوز/ دوو سەرچەوەی ئەمنی لە دیالە و سەڵاحەدین، ئمڕوو سێشەممە، خەوەردان لە کوشیان یەک مەدەنی و زەخمداری دووان تر وە دوو رووداو جیاجیا.

سەرچەوەگە ئەرا ئاژانس شەفەق نیوز وت: یەک مەدەنی لە رووداویگ هاتوچوو لەبان ری ناحیەی قەرەتەپە کوشیا و یەکیگ تر زەخمدار بوی، و بریانە خەسەخانەی خانەقین.

لە رووادویگ تر لە پارێزگای سەڵاحەدین، يەک مەدەنی زەخمدار سەختیگ بوی لەوەر رووداویگ هاتوچوو لەدەورگرد قەزای دۆر لە خوەرهەڵات تکریت.

سەرچەوەیگ ئەمنی لە پارێزگاگە ئەرا ئاژانس شەفەق نیوز وت: رێنیگ لە گامیش وەناکاوەو ری لە رانەیگ بڕین ک بویە هووکار رووداوەگە و ویرانی ماشینەگە، و رانندەگەیش کەفتە وەر زەخم و شکيان سەختیگ.