شەفەق نیوز/ سەرچەوەیگ ئەمنی لە پارێزگای کەرکوک، شەوەکی ئمڕوو جمعە، خەوەردا لە کوشیان پولیسیگ و زەخمداری یەکیگ ترەک وە پەلاماریگ چەکدار ناوڕاس پارێزگاگە.
سەرچەوەگە ئەرا ئاژانس شەفەق نیوز وت: دەوریەیگ پولیس لە مەیدان عومال نزیک بازاڕ هەرەج لە ناوچەی قوریە ناوڕاس کەرکوک کەفتە وەر تەقەکردن وەلایەن دوو کەس وە کووڵ ماتوورسکڵ، و دیاریکرد کە هەناێ پولیس ئەو دوو کەسە وسانیە تەقە لەلیان کردنە.
وتیش: پەلامارەگە بویە هوکار کوشیان پولیسیگ و زەخمداری یەکیگ ترەک، و پەلاماردەرەیل وەرەو شوین نادیاریگ واینە.
سەرچەوەگە دووپات کرد کە تەرمەگە ئەرا پزشک دادوەری بریا، و زەخمدارەگە ئەرا خەسەخانە، و پولیس لێکۆڵینەوە لە رویداوەگە واز کرد.