شەفەق نیوز/ سەرچەوەیگ ئەمنی لە کەرکوک، ئمڕوو سێشەممە، خەوەردا وەڕیوبەر نوویگ ئەرا فەرمانگەی پاسەپۆرت پارێزگاگە دانریاگە لەدویای دەس لەکارکیشان وەڕیوبەر وەرینی.
سەرچەوەگە وە ئاژانس شەفەق نیوز وت، وەزارەت ناوخوەی فەرمان دانان عەمید سرود عەبدولڵا محەمەد جاف دەرکردیە، جویر وەڕیوبەر پاسەپۆرت کەرکوک لە جیای عەمید نەشئەت شاوێز کە لە مانگ گوزەشتە دەسکیشارەو لە پۆستەگەی.
راگەیان، وەڕیوبەر وەرین عەمید شاوێز زیارتر لە 25 ساڵە خزمەت شار کەرکوک کردیە لە چوارچمگ وەزارەت ناوخوەی عراق و شمارەیگ فەرمانگە.