شەفەق نیوز/ سەرچەوەیگ ئەمنی لە دیالە، ئمڕوو سێشەممە، خەوەردا لە مردن و زەخمداری 3 مەدەنی وە رویداو لەیەکداین ماشین لە ری بەغدا- کەرکوک.
سەرچەوەگە وە ئاژانس شەفەق نیوز وت " دوو مەدەنی گیانیان لە دەسدانە یەکیگیش وە سەختی زەخمدارە وە هووکار لەیەکداین ماشینیگ مارکەی چارچەر وەگەرد پاسیگ لەبان ری بەغدا- کەرکوک ، 25کم باکوور قەزای خاڵس، باکوور خوەرهەڵات بەعقوبە.
وتیش، " تەرم دوو قوربانیەگە ئەرا پزشک یاسایی و زەخمدارەگە ئەرا خەسخانە کلکریایە، دەسڵاتدارەیل هاتوچو لێکۆڵینەوە لە رویداوەگە واز کردن".