شەفەق نیوز/ سەرچەوەیگ ئەمنی، ئمڕوو جمعە، خەوەردا کە ماشینیگ تون مناڵیگ لە پۆل یەک سەرەتایی تلانیە، کە زەخمدار سەختیگ بویە، لە وەختیگ وەڕیەوبەرایەتی دژەتاوان کەرکوک توەنستیە ئەو کابرا دەسگیر بکەێد کە ماشینیگ مەدەنی لەناوڕاس پارێزگاگە سزانیە.
سەرچەوەگە ئەرا ئاژانس شەفەق نیوز وت: رانندەی ماشینیگ مارکەی (ساییا) لەوەر تونی رانینی، مناڵیگ لە پۆل یەک سەرتایی لەوەردەم ماڵەگەی لە ناوچەی ئەلف دار ناوڕاس کەرکوک تلانیە.
سەرچەوەگە دووپات کرد کە رویداوەگە بویە هوکار زەخمداری مناڵەگە کە ئەرا خەسەخانە بریا، و رانندەگە دەسگیر کریا.
هەرلیوا، سەرچەوەگە دیاری کرد کە کابرایگ نەناسیای رووژ دووشەممەی گوزەشتە ماشینیگ مارکەی (کۆرولا) تایبەت لە وەردەم ماڵیگ لە گەڕەک (حجاج) سزانیە، و دویای گردەوکردن زانیاری وەلایەن پولیس، تیمیگ دروس کریا، رەسینە ناسنامەی کابراگە.
سەرچەوەگە وتیش؛ تیم لێکۆڵینەوە کەفتە نووڕین کامیرایل چەودیاریکردن و وەماوەی چەن ساعەتیگ رەسینە ناسنامەی کابرا، و دویای بڕیار دادوەر، و دیاریکردن نوین کابراگە، هیزیگ لە پولیس توەنست دەسگیری بکەێد.