شەفەق نیوز/ سەرچەوەیگ ناوخوەیی لە پارێزگای سەڵاحەدین، ئمڕوو جمعە، خەوەردا لە بڕیان پیەڵ فەتحە لە قەزای بێجی لەوەر بەرزەوبوین ئاست ئاو لە ئەنجام وارانەیال لە رووژەیل گوزەشتە.
سەرچەوەگە ئەرا ئاژانس شەفەق نیوز وت: پیەڵ فەتحە دویای بەرزەوبوین ئاو چەم دیجلە لەکار وسیا.
وتیش: ئاوەگە وەشیوەی گەورەیگ بەرزەو بوی دویای ئی وارانەیل دویاییە لە وڵاتەگە.
یەکیگ لە وەچەودیەیل لە خەڵک ناوچەی فەتحە وەناو عەبدلغەفار جبوری ئەرا ئاژانس شەفەق نیوز وت: پیەڵ ئاسنین لە ناوچەی فەتحە، شەوەکی ئمڕوو جمعە، لەکار وسیا، ئەوەیش لەوەر تونی ئاو چەم دیجلە کە واران و لافاوەیل بەرزیەو کردن، و كەسیگ نیتوەنێد وەبانیەو رەد بوود.
وتیش: پیەڵەگە کەرکوک وەگەرد سەڵاحەدین و ناوچەیل باشوور کەرکوک حەویجە و ناحیەیلی وەیەکەو بەسێد، و لەی دیمەو لەلای سەڵاحەدینەو قەزای بێجی وە کەرکوک بەسێد.