شەفەق نیوز/ فەرماندەیی پۆلیس پارێزگای کەرکوک، ئمڕوو پەنجشەممە، خەوەردا رێکارەیل یاسایی گرنەوەر ئەرا رویداو ژەهراویبوین وە خوەراک ٢٦٢ هاوڵاتی لەدویای ئەوەگ نان ئیوارە لە ناو ئاهەنگیگ سویر خوەن لە حەویجە باشوور خوەرهەڵات پارێزگاگە.
وەپای بەیاننامەیگ ئمڕوو پۆلیس راگەیان، لەدوێای ئەوەگ خەوەر رەسی حالەت ژەهراویبوین هەس لەناو هاوڵاتیەیل قەزای حەویجە، تیم کارکردن دروس کریا وە سەرپەرشتی جیگیر سەرۆک پۆلیس و یاریدەرەگەی ئەرا چەودێریکردن حالەت تەندروسی تویشبویەیل، دیاریکردن ئەو کەسەیلە کەمتەرخەم بوینە، و رێکارەیل یاسایی لە وەرانوەریان گیریەرد، دەسوەجی فەوج تەکتیکی کلکریا و هێزەیل لە قەزای حەویجە جەمەوکریا.
پۆلیس وتیش، وە تەقەلای کارمەنەیل تەندروسی و هێزەیل ئەمنی گشت تویشبویەیل لە دویای خاسەوبوینیان خەسخانە وەجی هیشتن، کە شمارەیان رەسیە ٢٦٢ کەس، دیاریکرد سێ کەس دەسگیرکریان لەدویای وەرگردن رەزامەنی دادوەر لێکۆڵەر کە پەیوەنی وە رویداو ژەهراویبوینەگە دیرن.