شه‌فه‌ق نيوز/ نويسينگه‌ى وه‌زاره‌ت كووچ و كووچبه‌ره‌يل له توركيا ئاشكراى هاتنه‌وه‌ى (317) په‌نابه‌ر عراقى كرد له توركيا ئه‌را ناوچه‌يليان خوه‌يان له پاريزگايه‌يل وڵاته‌گه له چوارچيوه‌ى جيوه‌جيكردن به‌رنامه‌ى گله‌وخواردن ته‌وعى له‌ڕێ ده‌روازه‌ى مه‌رزێ ئبراهيم خه‌ليله‌و له قه‌زاى زاخۆ سه‌ر وه پاريزگاى دهۆك.
له‌ى باوه‌ته‌و، تالب ئه‌سغه‌ر دوسه وه‌ڕيه‌وبه‌ر گشتى ده‌زگاى كاروبار كووچ له وه‌زاره‌ته‌گه، وت: وه‌زاره‌ته‌گه ئمڕوو كاروانيگ تر تازه له عراقيه‌يل په‌نابه‌ر له توركيا هاورده‌سه‌و له چوارچيوه‌ى هاتنه‌وه‌ى ته‌وعى ئه‌را ناوچه‌ييان.
دوسه يه‌يش ده‌رخست هه‌ماهه‌نگى وه‌ل وه‌زاره‌ت گواستنه‌وه كرياگه ئه‌را هاوردنه‌وه‌ى ئه‌و په‌نابه‌ره‌يل عراقيه له توركيا له ده‌روازه‌ى ئبراهيم خه‌ليله‌و وه سه‌ياره‌ى پاس ك وه‌زاره‌ته‌گه ته‌رخانيان كرد ئه‌را جيوازكردنيان.