شەفەق نیوز/ شانەی راگەیانن ئەمنی، ئمڕوو دووشەممە، راگەیان کوشتن هەفت کەس لە ریخریاگ داعش وە گورزەیلیگ ئاسمانی لەلایەن فڕۆکەیل هاوپەیمان ناودەوڵەتی لە باشوور کەرکوک.

شانەگە لە بەیاننامەیگ رەسیە ئاژانس شەفەق نیوز وت: فڕۆکەیل هاوپەیمان ناودەوڵەتی هەیشت گورز ئاسمانی لە دووڵ چای لە باشوور پارێزگای کەرکوک جیوەجی کردن، وە هەماهەنگی وەگەرد فەرماندەی ئۆپراسیۆنە هاوبەشەگان، و لەبنەمای زانیاریەیلیگ هەواڵگری ووردیگ لە دەزگای هەواڵگری نیشتمانی عراقی.

و دیاری کرد ک هێزیگ هاوبەش لە لیوای ٤٥ لە فیرقەی هەیشتەم لە سوپای عراق و نووسینگەی دەزگای هەواڵگری لە کەرکوک، کەفتنە شوون ئەنجامەیل گورزە ئاسمانیەگان، و تەرم هەفت کەس لە ریخریاگ داعش تیرۆرست پەیا کردن، ک ئەوەسا شناسنامەیلیان و پۆستڵیان دیاری کریەن، وتیش؛ هێزەگە دوو پیشتن تەقینەودار و عەتاد سووک پەیا کرد.

شانەگە ئاماژە کرد ک هیمان ئۆپراسیۆنیەگە وەردەوامە.