شەفەق نیوز/ کشاورزەیلیگ لە پارێزگای کەرکوک، ئمڕوو یەکشەممە، پرسە و چەمەری ئەرا تویەم "زڕات زەرد" نان، ئەوەیش چوینکە پلان بازاڕکردن حکومەتی نیەگرێدەی، و لەوەر ئەو زەرەدەیل گەپە ک وەپیان رەسێد.

کشاورزەیل ئەرا ئاژانس شەفەق نیوز وتن: کەفتنە ژیر زەرەدەیل دارایی قورسیگ، و قەرزار فرەیگ بوینە، لەوەر ئەوە ک زڕات نەکەفتە ناو پلان بازاڕکردن حکومەتی هەکاتی گەنم و جویە، هەرچەن لەناو پلان کشتوکاڵی بوی.

کشاورزەیل لەناو پرسەگە داوا لە حکومەت و وەزارەت کشتوکاڵی کردن بکەفنە ناو پلان بازاڕکردن و لە کارەساتەیل ژیان گوزەرانی و ئەو گرفتەیلە قورتاریان بکەن.

لەلای خوەییش، زوهەیر عەلی حسێن وەڕیەوبەر کشتوکاڵی کەرکوک وت: زڕات نەکفتیەسە ناو پلانەکە چوینکە پویل ئەرا وەرگردنی وەلایەن وەزارەت بازرگانی و لایەنەیل حکومەتی تەرخان نەکریاگە.

حسێن ئەرا ئاژانس شەفەق نیوز وت: رەزامەنی وەزیر کشتوکاڵی تا زڕات بکەفێدە ناو پلان وەرگردن حکومەتی وەرگریا، و وەی زویە وەگەرد ئەنجومەن وەزیرەیل قسە کریەێد تا رەزامەنی لەبان سپۆنسەرکردن فرووشتنی بەێد.