شەفەق نیوز/ میسال ئالووسی سیاسی وەناوبانگ عراقی، ئمڕوو شەممە، پێشنیاریگ پێشکەشکردە موستەفا کازمی سەرۆک وەزیران، وە ترخانکردن خەڵاتیگ پویلی لە پویلە دزیایەگان عراق، ئەرا هەرکەسیگ خەور لە ئەوانەگ دەسیان هاناو گەندەڵی لە وڵاتەکە بیەێد.
ئەویش لە نووسینیگ لەبان ماڵپەڕ تویتەر هات وەناونیشان؛ با ئاگر لە ژیر پای دزەیل خەزڕا بکەیمنەو.
ئالووسی قسەگەی ئەرا موستەفا کازمی ئاڕاستە کرد و وت: دەوڵەت کازمی، ئەرا گورجکردن دژایەتی گەندەڵی ودزەگان، پێشنیاریگ لە یەک هاووڵاتی شەریفیگ رەسیە پیم، ک هەرسکەسیگ عراقی بوود یا نەوود خەوەر نهێنی وەبەڵگە بەێد لەبان تاوانەیل دزیکردن وگەندەڵی وەرپرسەیل عراق ئەرا دارایی گشتی، ٥٪ تا ١٠٪ لە پویلە دزیایەگە خەڵاتی بکریەێد.