شەفەق نیوز/ سەرچەوەیگ لە پۆلیس عراق، ئمڕوو شەممە، خەوەردا لە زەخمداربوین دەرویشیگ لە تەریقەت کەسنەزانی، هەنای تەکیەی تەریقەتەگە لە پارێزگای کەرکوک کەفتە وەر تەقەکردن.
سەرچەوەگە خەوەردا ئاژانس شەفەق نیوز ک چەکداریگ دەم پیچیاگ، شەو جمعە، لە تفەنگ راوییگ تەقە وەرەوە تەکیەی کەسنەزانی لە گەڕەک عاشور لە کەرکوک کرد، ک بویە هووکار زەخمداربوین دەرویشیگ.
زەخمدارەگە وەرەوە خەسەخانە بربا، و هێزەبل پۆلیس لێکۆڵینەوەیگ لە رووداوەگە کردنەو.